RIVM: besjmettingsgraod corona liekent aaf te numme
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
't Coronavirus boet al vanaaf 16 miert krach in. Det zaet RIVM-direktäör Jaap van Dissel inne Twiede Kamer. Dit beteikent aevel neet dat de maotregele geliek kènne weure versoepeld. De versjpreidingskrach van 't virus nump saer 't zoegeheite kantelpunt (de sjtabilisiering vanne oetbraak) haaf miert volges de huid van 't RIVM ederen daag aaf, maar nuuj patiënte kómme nog ömmer bie.
"Volhaje van maotregele is noe van groet belank. Es v'r dit loslaote, geit die curve weer sjtiege. Dan sjtieg ouch weer de vraog nao intensief zörg", aldusse Van Dissel taege kamerleje in 'n prizzentatie euver 't coronavirus. Ouch 't aantal mèldinge van patiënte bie de GGD en 't aantal opnames löp de lèste daag truuk. Natuurlik gief 't ouch hiel väöl luuj van waem gaar neet bekind is det ze krank thoes zitte mèt corona.
Wiejer sjtabiliseert de greuj van 't aantal nuuj patiënte en 't totaal aantal patiënte oppe IC recènt aaf, maar Van Disser waarsjuwt de parlementariërs det dao nog gein sjprake van hoof te zien. Daonaeve tuine de grafieke det de bezètting vanne IC's pas haaf juli weer zak ónger de gebroekelike capaciteit, die 1.150 bedruueg. De veursjpelde piek ligk róndj 1 mei, es allein veur coronapatiënte 2.400 IC-bèdde nuuedig zien. Dao kómme de ernstig kranke luuj nog bie.
Brónne
bewirk- RIVM: Besmettingsgraad lijkt flink te dalen. Edwin van der Aa - Algemeen Dagblad, 1 april 2020
- RIVM: druk op intensive care blijft aanhouden, patiënten blijven drie weken. NOS, 1 april 2020, versie van 11.15 oer
Dit artikel besleit aad nuujs en maak deil oet van oos arsjief van nuujsberichte.