RIVM: eine nuje gehiemelde en drie nuuj krankehoesopnames

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel is gesjreve in 't AGL.

't RIVM haet 't aafgeloupe etmaal ein nuuj melding van 'ne gehiemelde door 't coronavirus binnegekrege. Zaoterdig ging 't nog óm ach gemelde sjtörfgevalle. 't Totaal doejetal sjtieg hiemèt nao 6090. Ouch kwame drie nuuj krankehoesopnames binne. Gister goof 't twie.

't Aantal besjmettinge is in 't aafgeloupe etmaal gesjtege mèt 98. 't Totaal aantal Nederlanders det besjmet is (gewees) mèt 't virus kump hiemèt op 49.593.

In 't krankehoes gief 't noe in totaal 11.849 luuj die zien opgenome (gewaes).

't Werkelike aantal doeje ligk aanzeenlik hoeger, ómdet neet edereine weurt getes. Baovedeen wure sjtörfgevalle soms pas daag later doorgegaeve. Ouch ligk 't werkelik aantal infecties dinkelik e sjtök hoeger.

Vanne luuj die in Nederlandj ane gevolge van 'n besjmetting mèt 't virus zien gesjtorve, waor bekans 90 percent ajer es 70 jaor. Van de jónger luuj die ane lóngkrenkde bezjweek, leej bekans 70 percent aan 'n anger krenkde, wie diabetes, 'n hertkrenkde of 'n chronische lóngkrenkde.

De aafgeloupe twie weke zien bie 't RIVM 70 sjtörfgevalle gemeld gewaore. De pervincie mèt de meiste gehiemelde, 26 waor Zuud-Hollandj. In Groninge, Frieslandj en Drenthe is al twie weke gein inkel melding gedaon van e sjtörfgeval. Ouch woort dao nemes mie in 't krankehoes opgenome mèt Covid-19. In Zielandj en Flevolandj zien inne lètste twie weke aevemin krankehoesopnames geregistreerd.

Brónne bewirk

Dit artikel besleit aad nuujs en maak deil oet van oos arsjief van nuujsberichte.