Raod van NS óm allein te reize wen dao richtig noead aan is
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 mieërt 2020 - Deze zónjig haet de NS vanne spaorwaeg in Nederlandj de luuj gevraog allein mitten trein te gaon wen det richtig nuuedig is; anges guldj de raod det de luuj baeter heim kónne blieve. Dezen oproop is e gevolg vanne oetbreijing van 't coronavirus; inne stried daotaenge klink de raod heim te blieve.
Tróds de oetbraak van 't virus blief de NS waal de treins laote gaon, meh den mit 'n speciaal basisdeensregeling, die veur zolang de situaasje blief van krach is. Es extra raod guldj det me zat aafstandj van einanger mót haje: minimaal óngerhalve maeter. Dezen aafstandj mót m'n in ieëre haje bie 't op- en aafstege vannen trein, mer ouch wen m'n innen trein zelf zitj.
De basisdeensregeling is 'n groeate versobering vanne gewuuen deensregeling. Vanaaf edere staasje in Nederlandj varen in alle richting meh twieë treins de oer; bie staasjes wo normaal mer èns oppe oer 'nen trein veurtj, blief det ouch mer eine. De raeje det de treins nag blieve gaon is veur luuj die vitaal fónksjes höbbe mit häör werk tonnag nao de plaats van bestumming te kónne bringe.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.