Rechte vanne Maas wuuert bespraoken in Twieëdje Kamer
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 mieërt 2022 - Kómmendjen deesdig wuuert 'n petiesje mitte naam "Rechte vanne Maas" aangebaojen inne Twieëdje Kamer. De petiesje haw achdoezjendj handjteikeninge gekregen en is 'n initiatief vanne Maas Cleanup, e kollektief van bedriever, instèllingen en luuj die zich bekummeren euvere reveer. 't Aantaal aan handjteikeninge veel 't kollektief taenge; m'n haw namelik gehaop op fieërtigdoezjendj handjteikeninge.
De petiesje vruueg aan det me de reveer de Maas es 'ne rechspersoean geit zeen. Det zów veur Europa 'ne primuuer zeen. E veurbeeldj wo det boete dit werrelddeil al 'ns zoea gedaon is, vindj m'n in Nuuj-Zieëlandj. Dao ligk de Whanganui-reveer, die dezelvendje staot haet. Praktisch gezeen krieg 'n klóch belanghöbbendje momersjap euvere reveer en kónne zie es e rechspersoean opkómme veur 't water zien rechte.
De wins veure Maas dees rechte te gaeve, ligk bie de vervoeling vanne reveer. De Maas is de vieste reveer vanne Benelux ómme groeate wieväölheid aan plestiek dae dore reveer zwump. De hóngerd maeter aan sjaor vindj me doezjendjtwintjig stökker aafval, wovan 95,8 perzent oet plastiek besteit.
Brónne bewirk
Dit artikel besleit aad nuujs en maak deil oet van oos arsjief van nuujsberichte.