Remunjenieër doeadgesjaoten in Rotterdam
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 17 junie 2018 - 't Slachoffer van 'n doeajelike sjeetpartie, sfriedigs snammedaags in Rotterdam, bliek 'nen dertigjäörige Remunjenieër te zeen. Det maakdje de pliesse saoterdigs bekandj.
De Limbörger woort sfriedigs efkes veur 17:00 oere in 'n weuning aan 't Rotterdams Sandelingplein doeadgesjaote. Getuge zoge nao de sjeetpartie twieë manskaerelen ewegrenne, 'ne wagen instiegen en ewegvare.
De pliesse zoge de wagen e paar oer later róndjvaren en zatten 't veurtuug ane kantj. Op det memènt zaat allein nag 'ne Rotterdammer van 24 inne wage. Dae is aangehaje; de pliessen óngerzeuken of t'r get mitte maord haet te maken en dan waal waat.
De pliesse weite nanneet waat de Remunjenieër in Rotterdam kwaam doon en waat zien rillaasje woor mitte däöjers. Mit e groeatsjäölig opspäöringsteam perbere de pliesse mieë dudelikheid te kriege. Ónger anger is spaoróngerzeuk gedaon inne weuning; ouch zeen buurtbeweuners óngervraog wore. Daonaeve zeen de pliessen ouch op zeuk veur bewakingsbiljer oete ómgaeving.
Brón bewirk
Dit artikel besleit aad nuujs en maak deil oet van oos arsjief van nuujsberichte.