Remunjse kattedraol kluuertj greun veur City Swim
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 18 augustus 2018 - De Sint-Christoffelkattedraol in Remunj is saoterdigs saoves speciaal veure Remunj City Swim in e greun leech gezatj gewaore.
Veuren ieëste kieër saere boew in 1410 is de bisjopskirk greun oetgeleech gewaore. Daomit óngerstiep 't kirkbestuur de Remunj City Swim van 25 augustus.
Pestoear en daeke Rob Merkx móch óm 22:00 oere de beleechting inleije. De greun kattedraol is 't oethangsjildj veure Remunj City Swim, dae op 25 augustus geit aanvangen inne Roer enne Maas. 't Evenemènt verbindj väöl luuj en vereins inne stad. En wen die zeen det de kattedraol zoea sjoean d'rbie ligk kómme ze 't geboew mesjiens onnans van binne betrachte.
Wèthajerin Angely Waajen van Remunj vindj 't e biezunjer gezich. "'t Is veuren ieëste saer ich aktief bön inne politiek det de kirk zoea prachtig op dit tiedspuntj van 't jaor d'rbie ligk. 't Is 'n initiatief det väöl partiejen inne stad biejein bringk."
Deilnummers ane City Swim höbbe zich ingesjreve veure routes van 500, 1000 of 2000 maeter. De opbrings van 't zwumevenemènt geit nao twieë gooj ènj. Det is deze kieër 't Toon Hermans Hoes Remunj en Stifting StopHersentumoren.nl. 't Donaasjebedraag sting sóndigs smörges op 46.000 euro.
De Remunj City Swim wuuertj veuren twieëdje kieër gehaje. In 2017 woort de ieëste ervolgrieke ediesje gehaje.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.