Rob Jetten verkaoze tot nuje fraksieveurzitter D66
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
11 oktoeber 2018 - De 31-jäörige Rob Jetten is deze mörge unaniem verkaoze tot de nuje fraksieveurzitter van D66. Jetten volg hiejmit Alexander Pechtold op dae nao 12 jaor aan fraksieveurzitterssjap d'n aafgeloupe zaoterdig vriej ónverwachs bekèndjmaakde mit direkten ingank zie partieleijerssjap denaer te lègke en oet de Twiede Kamer te traeje. Anger kandedaote veur 't fraksieveurzitterssjap wore Salime Belhaj en Paul van Meenen.
Jetten zit saer miert 2017 in de Twiede Kamer. Hae waas ónger angere betrókke biej 't indene van de Klimaatwèt. In 'n toesjpraok verklaorde hae zich es fraksieveurzitter in te wille zètte van 'ne "zuverdere (praoperdere) waereld woerin minsje zichzelf kónne óntwikkele". Ouch neumde hae 't óngerrich es e wichtig sjpaerpuntj.
Mit zie fraksieveurzitterssjap is Jetten nog neet de partieleijer, mer hae zaet 't neet oet te sjloete det hae dit wilt waere. 'ne Nuje partieleijer zal waere gekaoze biej de iersvolgende Twiede Kamerverkeziginge.
Intösje is Jetten al op 't Teurke óntvange gewaore door premier Rutte.
Brónne
bewirk- Rob Jetten nieuwe fractievoorzitter D66. NOS Nieuws, 9 oktoeber 2018
- Jong D66-talent Jetten 'laat zich niet gek maken'. NOS Nieuws, 9 oktoeber 2018
- Rob Jetten volgt Pechtold op als fractievoorzitter. Het Parool, 9 oktoeber 2018
Dit artikel besleit aad nuujs en maak deil oet van oos arsjief van nuujsberichte.