Ruum helf Limbörgse wèthajers lokaal

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 21 junie 2018 - Mieër es de helf van alle nuuj wèthajers in Limbörg is van 'n lokaal partie.

Daomit is Limbörg de pervinsje wo lokaal partieje wiedoet 't vertaengewuuerdigste zeen inne gemèndjebesture.

De ènsigste gemèndje wo gein lokaal bestuurders in 't kólleesj zitten in Gennep. Dao höbben ouch gein lokaal partieje mitgedaon ane verkeziginge. In Bezel is de koalliesje nanneet róndj, meh de raod besteit dao oet drie lokaal partiejen en 't CDA. 'n Koalliesje zónger lokaal partiejen is dao oetgeslaote.

Inne pervinsje Drente is euveriges gein inkel gemèndje te vinje sónger lokaal partieje kwa wèthajers. Lenjelik gezeen levere lokaal partieje zoeaget einen oppe drie wèthajers, gevolg door 't CDA det 20 percent vanne wèthajers levertj.

Ouch in Limbörg is die partie vanne lenjelike partieje de grótste leveranseer van bestuurders: in 21 vanne 30 gemèndje wo verkeziginge zeen gehaje gewaoren is die partie in 't kólleesj gekómme.

Brón bewirk



Dit artikel besleit aad nuujs en maak deil oet van oos arsjief van nuujsberichte.