Sint-Urbanuskèrk in Amstelveen aafgebrend
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
17 september 2018 - De monumentaal Sint-Urbanuskèrk, in de Amstelveense wiek Bovenkerk, is gisteraovend groetendeils aafgebrend. 't Sjeep van de kèrk is gans door de vlamme verweus gewaore; de 65 maeter hoege zèskentigen tore is daotaenge intak gebleve.
D'n oetslaonde brandj óntsjtóng aan 't begin van d'n aovend. Dènkelik is e defèk in de maeterkas d'n oerzaak gewaes. De brandjwaer had 't vuur róndj 23:30 ónger kentról. 't Blösse ging aanvankelik lestig, ómdet de brandjwaer neet sjnel aan water kós kómme. E paar weuninge die naeve de kèrk ligke zeen óntruump gewaore.
De Sint-Urbanuskèrk is in 1875 óntworpe gewaore door d'n arsjitek Pierre Cuypers (ouch d'n óntwèrper van 't Rieksmuseum) en in 1888 in gebroek genómme. Kort geleje is de kèrk nog grunjig gerestaureerd gewaore. Juus vandaag zouw 't órgel op fiestelike wies weer in gebroek waere genómme.
De locobörgemeister Herbert Raat haet intösse laote wete det 'n ónaafhenkelik óngerzeuk kump nao de meneer woerop de brandj is besjtreje gewaore, ónger mier nao de gebrekkige waterveurzening woedoor 't blösse zoe traog op gank kwaam. De brandjwaer ging nao zègke iers nao de verkierde kèrk, en einmaol te plaats kóste ze de waterpöt 'nen tiedlang neet vènje.
Brónne bewirk
- Onafhankelijk onderzoek naar verwoestende kerkbrand in Amstelveen. NH (ómroop), 16 september 2018
- Amstelveen stelt onderzoek in naar bestrijden brand historische kerk. nu.nl, 16 september 2018
- Brandweer hele ochtend bezig geweest met blussen kerkbrand Amstelveen. NH (ómroop), 16 september 2018
- Toren Urbanuskerk Amstelveen gespaard bij enorme brand. NOS Nieuws, 16 september 2018
- Grote brand in kerk Amstelveen onder controle: 'Veel mensen moesten huilen'. NOS Nieuws, 15 september 2018
Dit artikel besleit aad nuujs en maak deil oet van oos arsjief van nuujsberichte.