Sjeut gevalle bie aanhajing terräörverdachdje Wieërt
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 september 2018 - Eine miens is verlets wore bieje aanhajing van veer terräörverdachdje. Bieje pliessenhanjeling in Wieërt woort stónderdigs smiddigs väöl verzat bevónje; daobie woort ouch gesjaote. De aanhajinge woorte verrich op 'n parkingsplaats ane Trancheewaeg. Op die plaats tróffe de manskaerele zich wersjienlik dökker.
Wie bekandj woort det de moslimextremisten 't hawwe gemuntj op e groeat evenemènt woort ouch drek gedach ane Wieërter kèrmis. De infermaasje waat noe besjikbaar is zaet aevel det det gei doelwit waas. De waal-gemèndje lokaasje vannen aanslaag is nag ummer neet nao boete gebrach.
Trósdet zeen dore börgermeister de veiligheidsmaotregele die tol groeat wore veure kèrmis, nag wiejer aangesjerp veurdet dae noe vriedig aanvèngk. Hiebie mót me dinken aan waegversperringen en extra bildmatterjaaltoezich. 'n Gransje det nieks passeertj kan me aevel allewiel nimmieë gaeve; terrorisme is allewiel e gegaeve wo me ummer raekening mit deentj te haje.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.