Slech waer verwach dizmiddig
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 20 mei 2022 - Vriedigtemiddig verwach 't KNMI slech waer in Limbörg. Veure pervinsie is code gael aafgeropen óm zwaor ónwaerssjoele. Smorges gólj die code ol veur misbenk, wobie 't lokaal zich bepirk kós waere toet minder wie twieëhóngerd maeter.
De code gael guldj dizmiddig van 12:00 toet 17:00 oere. Dezelvendje waring guldj ouch veur anger pervinsies, wie Naord-Braobantj en Gelderland. Me verwach fikse ónwaerssjoele wobie kans is op haachel. Ouch kan 't plaatselik zeen det zwaor windjstoeate toet hóngerd kilemaeter de oer veurkómme. 't Ergste kwa raenge wuuert verwach te zuje van Remunj. De zwaor windjstoeate verwach m'n in 't uterste zuudoeaste, wie róndj Vaols toet hóngerd kilemaeter de oer. Gans zeker is det aevel neet, meh me verwach waal det in Zuud-Limbörg 'n groeate kans is op watereuverlas. Kwa temperatuur wuuert 't inne pervinsie heugstens 24 toet 25 graod.
Ol edónderdigtemiddig haw 't noeadwaer in Limbörg. E tieëntaal aan meljinge kómmen aan bie de brandjwaer. Meis in 't naorde haw me väöl euverlas van 't waer gister.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.