Britsje ministers Davis en Johnson sjtappe kort nao-ein op
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
13 juli 2018 - David Davis en Boris Johnson, twie Britsje ministers die allebeij neij betrokke wore biej de brexit-óngerhanjelinge, zeen kort nao-ein opgesjtap oet ónvreij euver de brexit-koers dae premier Theresa May momènteel veurt. Beij ministers beheurde tót 't kamp van de zoegeheite hardliners, die 'nen "helle brexit" veursjtaon, mit ónger angere mier gevolge veur 't bedriefslaeve.
Gisteraovend lag iers Davis, dae waas aangesjtèld es de "minister van Vertrèk oet de EU" ('ne ministerspos dae neet ierder besjtóng), dees functie denaer. Hae kós zich neet vinje in 't zoegeheite "akkaord van Chequers", woedoor ouch nao de brexit vriej verkier van geujer meugelik blief tösje 't VK en de res van Europa. 't Akkaord waas bedoeld es 'ne kómpremis tösje "helle" en "zaachte" brexitveursjtenjers, mer Davis vónj det väöls te väöl waerde weggegaeve.
Vandaag sjtapde ouch de Britsje minister van Boetelandjse Zake Johnson op oet ónvreij. In zienen óntsjlaagbreef geuf Johnson aan det hae zich neet herkènt es de vertaengewäördiger van May ziene brexit-koers en dus ouch neet langer die rol wilt vervölle. Johnson wilt det de Britte nao de brexit weer gans hun eige regels kónne make, mer daen droum is volges dem noe "op sjterve nao doed door ónneudige zelfwumfel". Jeremy Hunt, dae tót noe toe de minister van Vouksgezóndjheid waas, is intösje beneump tót Johnson zienen opvolger.
Jederman is bang det de brexit-óngerhanjelinge ernstige vertraoging oploupe noe kort nao-ein dees twie ministers zeen opgesjtap. Juus kómmenden dónderdig mót 't Britsj kabbenèt in Brössel e witbook mit veursjtèlle inlievere.
Brónne bewirk
- De brexit is een puinhoop, maar May staat nog. Trouw, 9 juli 2018
- May probeert brexit-crisis te bezweren, krijgt (nog) steun van partijgenoten. Suse van Kleef - NOS Nieuws, 9 juli 2018
- Boris Johnson stapt op: 'We dreigen een EU-kolonie te worden'. NOS Nieuws, 9 juli 2018
- The Rt Hon David Davis MP. Regering van 't Vereinig Keuninkriek, 9 juli 2018
- Boris Johnson resigns in major Brexit blow to UK PM Theresa May. Hillary Clarke - CNN. 9 juli 2018
Dit artikel besleit aad nuujs en maak deil oet van oos arsjief van nuujsberichte.