Stints verbaoje op d'n aopebare waeg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
_10_aug_2018_Bijlmer_Amsterdam.jpg)
2 oktoeber 2018 - Saer gister óm middernach moge stints, 'n saort elektrische bakfitse die waere gebroek óm mierder kènjer tegeliekertied te verveure, neet mier d'n aopebare waeg op. Intösje bepirk 't verbód zich al neet mier tot Nederlandj; ouch de Vlaamse gemeinde Haacht haet besjlaote de stints in de ban te doon.
De Insjpeksie Laefómgaeving en Transport haet in zien ierste óngerzeuk nao de veiligheid van 't verveurmiddel gekónkeldeerd det de technische kónstruksie diverse mankemènte vertuint en daoveur neet veilig is. Perbleme kónne ónger angere óntsjtaon mit de sjtroumkabels, die bie euververhitting kónne aafbraeke. 't Veurtuug blief dan op maximaal sjnelheid doorbewaege en kan neet mier bremze. 't Zelfde kan gebäöre es de gaasvaer aafbrèk. Ouch kan 't veurkómme det 't veurtuug blief sjtèlsjtaon zónger det dit de bedoeling is. Dees saort incidènte bliek in de praktiek herhaoldelik te zeen veurgekómme. 't Óngerzeuk is nog lang neet aaf; pas euver 'n aantal maonde waere de diffenitief rizzeltate verwach.
't Óngerzeuk nao de stints is ingesjtèld gewaore nao aanleijing van 't zjwaor óngelök mit 'ne stint op 20 september in de buurt van 't Sjtasóng Oss Wes, woebie veer kènjer óm 't laeve kome. De vrouw die de stint besjtuurde en e viefde kèndj raakde zjwaorgewóndj.
Stintum, 't bedrief det de stints perduceert, haet de aafgeloupe waek gei gehuur gegaeve aan 'nen oproop van ILF óm de verveurmiddele van de waeg te haole, woerop 't hujig verbód volgde. De hieveur geneumde óngerzeuksrizzeltate woorte 't aafgeloupe waekènj al mit 't bedrief gedeild. Intösje is ouch gebleke det Stintum zelf technische verangeringe aan 't óntwerp van de stints haet verrich, zónger 't ministerie hievan in kènnis te sjtèlle.
Kènjeropvankcentra in Nederlandj maakde de lètste jaore väöl gebroek van de stints. In totaal reje in Nederlandj zon 3.500 exemplare róndj. De kènjeropvankcentra mótte noe sjnel alternatief verveur zeen te regele, wie bakfitse, auto's en taxiböskes, of de kènjer mótte gewoen zelf gaon loupe nao d'n opvank.
Brónne
bewirk- Ook Vlaamse gemeente verbiedt Stints. NOS Nieuws, 2 oktoeber 2018
- Minister haalt Stint van de weg. Vechtdal FM, 1 oktoeber 2018
- Fabrikant Stint weigerde mee te werken aan terugroepactie. Omroep Brabant, 1 oktoeber 2018
- Stints mogen vanaf middernacht niet meer op de openbare weg. NOS Nieuws, 1 oktoeber 2018
- Kinderdagverblijven regelen bakfietsen en auto's na verbod op Stints. NOS Nieuws, 1 oktoeber 2018
Dit artikel besleit aad nuujs en maak deil oet van oos arsjief van nuujsberichte.