Straotruivers jónger en mieë-veurkómmendj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 1 november 2019 - 't Aantaal aan euvervallen oppe straot veur spöller aafhenjig te maken is dit jaor t'n opzich van 't veurig duchtig geklómme; zoea greudje det mit zoea fieërtig percent. Deze greuj kump nao 'n aafzwaking die zich euver e grótter aantaal aan jaor haet aafgespeeldj, bliek oet ciefers vanne pliesse. Zie ómsjrieve dees óntwikkeling denouch es vróntrastendj.
't Aantaal aan euvervallen inne ieëste neuge maondj van 't jaor is saer 2014 alsjaors aafgenómme toete leegste stamdk van 79 't veurig jaor. Veure zelvendjen tied in 2019 goof 't in Limbörg al 109 euvervalle. Meis veur geldj of mobiel tillefoeans te staele; det gebeurtj den ónger dwank of mit gewaldj. De gemèndje die 't helste waere getróffe zeen Mestreech en Zumpelveldj; dao wuuertj rilletief gezeen 't meiste euvervallen oppe straot.
Tösse 2012 en 2014 laag 't aantaal aan euvervalle stabiel róndj de 240 inne ieëste neuge maondj van eder jaor. 't Is de vraog of de hujige stieging es eimäölig kan waere gezeen of det toch spraok is van 'n herstèl nao de aaj ciefers. De raeje vanne stieging is namelik nag ónbekandj. Zeker is waal det zowaal de däöjers es de slechoffers väöl jónger zeen; bieje däöjers wirk me döks in gruupkes. Of dees wiejer doorgaon nao de zwaor criminaliteit is lestig te zègke. Ciefers euver etniciteit zeen neet vriegegaeve, wodoor me neet kan zègken of 't rilleteerdj is anen instroum van migrantjen en asielzeukers.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.