Tesmatterjaal veur corona oet Landjgraaf euvergeslage door ministerie
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 25 november 2020 - Op 't mement is 'n mankaasjen aan plestiekke wegsmietmatterjale veur dalik de gewinsdje hóngerddoezjend daachelikse coronatesten oet te veuren inne coronateslaboratoria in Nederlandj. Dees matterjale waeren aevel waal mit miljoene tegeliekertied in Landjgraaf gemaak. 't Landjgraafs plestiekbedrief Bioplastics levertj dees aan bedriever oppe ganse werreld, meh de Nederlandjse euverheid vruueg nieks aan bie häör.
De plestiekke matterjale zeen nuuedig veure proven oet te veure, went de stäölkes en sjemikalieje mótte door e tesmesjien ingeveurd waere mit plestiekke hulpmiddele die me daorop eweg mót smiete. 't Is de taak van 't ministerie van Vouksgezóndjheid dees in te koupen en door te levere, meh de leveringe loupe nao. Dit zörg daoveur det de tescapaciteit op sómmige plaatse, worónger 't Universitair Medisch Centrum in Mestreech, mitte hèlf verlieëg gewore zeen. Es de matterjale dao wore waas det neet nuuedig gewaes; opsjäöling inne wintjer is dus abseluut gèn meugelikheid sónger dees matterjale.
Noe zeen daacheliks zón zèsendertigdoezjend oetgeveurdje coronaprove, meh det mót dus opgesjäöldj waere nao hóngerddoezjend inne wintjer. 't Euverdeil vanne prove löp euvere bestäöndje laboratioria, die dus de plestiekke hulpmiddelen emas broeke. 't Bedrief in landjgraaf maak miljoene van dees matterjalen en haet ane begin vanne coronacrisis de perduksje duchtig opgesjäöldj, meh bao de ganse perduksje wuuert aan 't boetelandj geleverd, dewiel in Nederlandj e tekort is.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.