Tillefoonstuuering ligk treinsverkieër in gans Limbörg plat
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 21 mieërt 2021 - d'n Telecomaanbejer van ProRail haw zónjigtemorgen 'n stuuering wodoor in bao gans Limbörg gèn treins kóste vare. Dees stuuering begós róndj 7:30 oere en waardje door toet kort nao 9:30 oere. Daorop kós m'n treinsverkieër lansaamaan trögk oppakke.
De perbleme die d'n telecomaanbejer van ProRail haw zörgdje daoveur det de verkieërsveurders in Mestreechs gei kóntak kóste ligke mitte masjenisten inne treins. Oet veurzörg noom me doe 't besloet 't treinsverkieër gans plat te ligke. Innen tössentied kós m'n euvergebrach waeren op 'nen angere server, wodoor m'n 't kóntak tösse de veuring in Mestreech enne treins zelf kós herkriege.
De stuuering haw e good deil vanne morgen invlood oppe treins tössen Intjhaoven en Mestreech, Mestreech en Haerle, Haerlen en Zitterd en Zitterd en Vinlo. Al dees treins vore neet. Ouch hawwe reizendje die vanoet Mestreech nao Luuk wólle las van vertraoging. Die insigste treins die waal vore wore die vanoet Vinlo richting Intjhaoven en die vanoet Vinlo richting Numwaege.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.