Toegemetseldje tunnels boekkeriejers óntdèk in Mezeik
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 11 dieëtsember 2018 - In Mezeik zeen fieërtig toegemetseldje tunnels vónje doren dokkemèntaermaeker Rocky Gripsen. Dees tunnele waere toegesjreven ane ruiversklóch vanne boekkeriejers die innen achtieëndjen ieëf aktief woren in Zuud-Limbörg. De tunnele zeen es geng vónjen in e deil of fieërtig kelders die de boekkeriejers zówwen höbben gebroek veur toegank te kriege toette stad. Hie-ónger bevinje zich ouch ruumdje die volstenjig woren aafgeslaoten en geine veur tieëntaal aan jaoren is gewaes.
Grispen haet de kelders óntdèk door mit 'ne gróndjradar euvere Groeate Mert te sleipe. Hiemit vónj d'r häöler die wiezen op geng en kelders. Wiejer haet t'r ane inweuners van Mezeik gevraog veur kènnis te deilen euver 't bestaon van noe nag óntbekandje kelders en geng.
Grispen zów gaer de tunnels wille bloeatlègken en good te beware,meh veur det te doon broek t'r hölp van irfgoodinstansjes enne gemèndje. 't Gangestèlsel vörmp e wichtig te vorsjen óngerdeil vanne gesjiechte van bei de twieë Limbörge. Ouch wiltj t'r gaer 'n dokkemèntaer d'reuver make.
De boekkeriejers hawwen houfketeer in Mezeik. Hendricus Houben, de leier vanne klóch, wóndjen in 'n hoes det zich bevindj oppen hook vanne Groeate Mert en nag mmer besteit. Aan detzelvendje plein ligken ouch e good deil aan kelders óngere aaj panjer. De gesjiechte vertalje det 't rouve vanoet dees kelders woort aafgemaak; zoea zów de kelder van 't hoes van Houben ummer toegenkelik zeen door óngergrunjse geng.
Brónne
bewirk- Mogelijk dichtgemetselde tunnels Bokkenrijders ontdekt. Guus Benders - 1Limburg, 11 dieëtsember 2018
Dit artikel besleit aad nuujs en maak deil oet van oos arsjief van nuujsberichte.