Trein boetsj op vrachwagen in Remunj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 4 september 2020 - In Remunj is róndj 17:00 oere 'n boetsjing gekómme tössen d'n intercitytrein van Remunj nao Wieërt en 'ne vrachwage dae stil stóng oppe bewaakdje spaorwaegeuvergank. De boetsjing haw plaats bieje pepierfebrik. Dore aanvaring zólle zeker toet dizmiddig 14:00 oere gèn treins vare tösse Remunj en Wieërt. Op dit stök iezerbaan zitj me snelbössen in.
Me mèndje ieës nag gisteraovendj róndj 21:30 't treinsverkieër dao trögk op te kónne numme, meh de sjaaj aan 't spaor bleek daoveur te groeate. Kort nao de boetsjing woort dudelik det de baoveleijing vanne lektris ennen euvergank zelf duchtig sjaaj hawwen opgeloupe. Wie me de kepotten trein eweggeslèp haw bleek onnag det 't spaor 'ne kink innen iezer gekregen haw. Det is de raeje det me langer 'nt wirken is veur 't spaor trögk aop te kriegen es waat m'n ieës gesjatj haw.
Twieë luuj die innen trein zote zeen verlets wore door 't óngelök. 't Hanjeltj zich hie mit naam óm las vanne nak, wodoor die zich höbbe laote behanjele door krankewagepersenieël. Ein vrouw haet m'n oetintjelik veure zekerheid nao 't krankegestich euver mótte bringe. De anger luuj waat innen trein zoten haet me dao-oet evakueerd. De sjefuuer vanne vrachwagen haet nieks opgeloupe, went hae zaat op 't memènt vanne boetsjing nimmieër inne wage.
De vrachwage stóng stil oppe iezerbaan. Van 't óngelök is e filmken opgedaoke worop me kan zeen det de sjefuuer de masjinis nag verzeuk te ware, meh det lökdje dem nimmieë veur oppertied te bremze. De vrachwage waas vol gelaje mit zwaor rolle pepier die veur e deil naeve d'n trein terechkome. Allebei de vrachwagen en 't locomotiefdeil vannen trein lepe duchtig sjaaj op.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.