Trem Mestreech-Hasselt meugelikerwies vanne baan
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 junie 2018 - De geplandjen trem tösse Mestreech en Hasselt liek vergood vanne baan te zeen. 't Perbleem ligk zich inne kruutsinge mit 't Belsj treinsnetwerk. De Belzje fidderaal euverheid haet gei geldj oetgetróch veure lien te laote kruutse mitte spaorliene die op 't paad kómme. Mit naam bie Bilzen en Djóppenbik kruuts d'n trem mitte treinsspäör vanne NMBS. Die spaorwaegmaotsjappie is verantjwuuerdelik det de euverwaeg zoea waeren ingerich det d'n trem kan euverstaeke. Det mèntj feitelik det brögke dan tunnele mótte waeren aangelag. Hieveur is in 't investeringsplan gei geldj gerizzerveerdj, bliek oet vraogen in 't Belsj parlemènt door e kamerlid oet Bilze.
Volgendj 't plan zów de zoea-geneumdje Spartacustremlien in 2023 vaerdig mótte zeen en vare. De handjteikeninge woorten al in 2008 ónger 't perjèk gezatj, mer 't plan leep ederskieër mieë vertraoging op. Op 't Nederlandjs deil van 't trajèk goof 't zoea väöl kal euveren ènjstaasje. Me haw zich veurgenómme dem bieje staasje in Mestreech te plaatse, meh de brögken euvere Maas bleke neet stevig zat te zeen veuren trem te drage. Daoveur koos me veur 'nen ènjstaasje bie 't Mestreechter stadhoes.
Brón
bewirk
Dit artikel besleit aad nuujs en maak deil oet van oos arsjief van nuujsberichte.