Troeapestórm Irene geit euver Nuuj-Jórk/Veldeke

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

zóndig, augustus 28, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

Troeapestórm Irene, recèntelik aafgekómme van 'nen orkaan, zal euver Nuuj-Jórk kómmen óm 09.00 oer lokaal (13.00 oer UTC) vandaag en bringk zwaore raenger èn windj toet 100 km de oer mit zich mit.

Vlood is gemèldj gewaoren in Nuuj-Jórk, wo de Hudsonreveer oet zien euvere gekaomen is nao Manhattan en ouch de East River haet kórt euverstruimp. Euverstruiming zeen ouch in Brooklyn gemèldj gewaore. Water waas gemèldj in 't Battery Park en inne buurtj vanne Mercantile Exchange. 't Waterniveau vanne have is mieër es eine maeter hoeager wie normaal mit 'ne veurspèldje stórmtrek van twieë toet drie maeter.

Eljers in 't noeardjoeaste zeen veurstei van Philadelphia óngergeloupe; börgermeister Michael Nutter besjreef 't gebeed es "benk, muibele en anger gerei ómlieëgstruimendj vanne straot."

Toetaan èllef luuj zeen al gestórve dore stórm: vief in Noeardj-Caroline, drie in Virginia en einen in Florida, einen in Maryland en einen in Connecticut. Róndje drie miljoen luuj zeen ge-evacueerdj gewaore van gebeje wodet me de stórm verwach haet en nans drie miljoen zitte zónger stroum.

Irene is te landj gekómmen in Noeardj-Carolina óp zaoterdig, mit zich veertig cm aan raenger bringendj en 'ne stórmtrek dae róndje rume maeter loog ane Cheasapeakebei. Róndj 05.30 oer lokaal vandaag, haet de stórm de twieëdje kieër landj geraak bie Little Egg Inlet in Nuuj-Jersey.

Vólges de goevernäör van Nuuj-Jersey, Chris Christie, zal de stórm mèndestes "miljarde dollars aan sjaaj, es 't al neet tieëntel aan miljarde is" bringe.

Brónne

"Irene batters New York, raising fears of flooding" — BBC News Online, August 28, 2011
"Flooding begins as Tropical Storm Irene lashes New York City" — CNN, August 28, 2011