Trump ruuep noeadtoestandj oet bieje Mexicaanse grens

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Donald Trump.

MOFERT - 17 fibberwarie 2019 - d'n Amerikaanse prizzendèntj Donald Trump haet bieje Mexicaanse grens de noeadtoestandj oetgerope. Op dees meneer haop t'r geldj, waat eigentlik is gemèndj wore veur anger deil, te kónne broeke veur tródsal die moer bieje grens tösse Mexico en America, de zoea-geneumdjen Trump-wall, te kónne boewe. d'n Trump-wall waas ei vanne houfpuntje vanne verkezigingskampanj van Trump in 2016, mer hae kós gein mieëderheid kriege veure moer in 't Amerikaans Kóngres; daoveur wól 't Kóngres dus ouch gei geldj gaeve veure boewe. Mit zie besloet luip Trump op e loeadpaad mitte Dimmekrate, die 't óngróndjwèttelik vinje de noeadtoestandj veur zon deil oet te rope. Ieëre lèdje 'n boetsjing euver dit zelvendje óngerwerp mitte Dimmekrate toet 'ne rekaorlangen euverheids-"shutdown", wobie de ganse euverheid stil kwaam te ligken en loeane neet woorten oetbetaaldj.

Inne gesjiechte vanne Vereinigdje Staoten haet nannoeatj ieëre passeerdj det eine de noeadtoestandj oetruuep veur e kóngresbesloete te ómvare. Al die achenseventig anger kieëre det me de noeadtoestandj oetreep hanjeldje det óm 'ne netuurramp of e groeat kónflik, wie 'ne rasjopstandj. De prizzendèntj rechvaerdig zie besloet door te stèlle det waal degelik spraok is van 'nen humanitaire crisis. Aldus dem dreig vanoet Mexico 'n "invaazje van drugs, miensesmoekkelieërs en bandietebenjes".

Brónne bewirk



Dit artikel besleit aad nuujs en maak deil oet van oos arsjief van nuujsberichte.