Twieë doeëje en dreej gewónde beej ernstig óngelök op A73

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Belvend - Beej 'n ernstig óngelök mèt 'n böske op de A73 zien vreejdigochtend twieë persoeëne öm 't laeve gekómme. Ouch raakde d'r dreej luuj zjwaorgewónk.

D'n besjteurder van 't böske en 'ne passagier kwame öm 't laeve beej de botsing. Eine inzittende is mèt d'n traumahelikopter nao 't krankehoes gebrach gewaore, twieë anger zjwaorgewónde sjlachoffers mèt krankewages.

't Óngelök gebeurde rónk 8:10 oer oppe autobaan in naordelike richting ter huuëgde van Belvend. 't Böske belandde door nog ónbekinde oerzaak ane anger zie vanne vangrail en botsde dao taege 'ne paol. 't Goof mierder traumahelikopters, brankwaer- en krankewages ter plaatse.

'nen Daag nao 't óngeval woort bekindgemaak det de doeëjelike sjlachoffers twieë jóng manskaerele oet Frankriek kwame en 18 en 20 jaore aad waore.

Brónne bewirk




Dit artikel besleit aad nuujs en maak deil oet van oos arsjief van nuujsberichte.