Väöl Limbörgers twiefelen euver coronaspuit; mieërendeil is veur
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 jannewarie 2021 - Van alle pervinsjes is Limbörg 't ónzekerste euvere baksillering taenge corona. Nag ruum einen oppe drie luuj oet Limbörg wètj nanneet of t'r de coronaspuit geit laote zitten of neet. Vanne Limbörgers is 18% aangelaenge waal de spuit te haole, zoea 8% wètj 't gaar neet en taenge de 10% wiltj 'm dinkelik neet gaon haole wen d'r ane beurt is veure baksillering. Zoea 58% geit zich zeker laote baksillere; slechs 6% is zeker taenge de spuit.
't Aandeil aan luuj die twiefelen is gezak in Limbörg in vergelieking mit drie waeke daoveur, bliek oet 'n óngerzeuk van Flycatcher in opdrach van L1. Doe haw nag 43% zich neet aafgemaak waat zie mitte spuit wólle doon. Dao is neet väöl versjuuf in 't veurdeil vanne spuit; 't aandeil det good kiek daonao blief bie allebei de óngerzeuke róndj de 75% ligke. Väöl Limbörgers blieve twiefelen ane wirking, of 't waal 'nen oetbinjel van 't virus bèdj. Det aandeil is van 10% gestege nao 15%.
Lenjelik gezeen is de baksilleringsbereidheid in Limbörg ane lieëge kantj, mit naam doren hoeage maot van twiefel. Mitte taengestenjers róndj de 6% behaoltj Limbörg ouch de lieëge kantj in vergelieking mit tösse de 7% en 8% lenjelik. In Flevolandj is de waerstandj mit 13% 't grótste. In Zieëlandj ligk 't aandeil luuj die häör meining al gevörmp höbben 't hoogste mit bao 80%.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.