VN waarsjuwt: ISIS gebroek de coronacrisis óm te hergróppere
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Terreurorganisasie Islamitische Sjtaot en anger bewapende gróppe in Syrië make vanne coronacrisis gebroek óm te hergróppere. Dewiel de ganse waelt sjtriedt taege de pandemie, constateerde 't minserechtebureau vanne Vereinigde Naties de aafgeloupe waeke 'n heroplaeving van geweld in 't door oorlog versjäörde landj. Zoe sjteeg 't aantal bómaansjlaeg en vele opnuuj mie börgersjlachoffers.
"De situatie verergert en 't weurt 'n tikkende tiedbóm die v'r neet mie mage ignorere", zoe waarsjuwt Michelle Bachelet, Hoege Commissaris veure Minserechte vanne VN.
In april sjtorve volges de VN 35 Syrische börgers door aanvalle mèt geïmproviseerde explosieve. 'ne Maond ierder vele zeve sjlachoffers. De meiste aansjlaeg woorte oetgeveurd in 't noorde en 't oeste van Syrië. De regio's sjtaon ónger kontrol van 't Törkse laeger en daoraan gelieerde grópperinge of vanne door Koerde gedomineerde Syrische Democratische Sjtriedkrachte.
Eine vanne doejelikste aansjlaeg gebeurde op 28 april op 'n mert in Afrin, wie 'ne tankwagel explodeerde. Daobie kwame 51 luuj óm 't laeve, ónger waem 29 börgers.
Brónne
bewirk- VN waarschuwt: “ISIS gebruikt coronacrisis om te hergroeperen”. Het Belang van Limburg, 8 mei 2020
- Jihadistische terreurbewegingen willen profiteren van coronacrisis. Ben van Raaij - De Volkskrant, 13 april 2020
- Syrian Kurds condemn ‘terrorist act’ in Afrin. Wladimir van Wilgenburg - Kurdistan 24, 29 april 2020
Dit artikel besleit aad nuujs en maak deil oet van oos arsjief van nuujsberichte.