Vanne vreerkaaj waere kóntaeners neet opgehaoldj

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 23 fibberwarie 2018 - In deiler van Zuud-Limbörg waere de volgendje waek gein kóntaeners opgehaoldj.

Ómdet vanne verwachtingen ouch euveren daag 't vruus haet de ophaolingsdeens Rd4 beslaote gei GFT-aafval op te kómmen haole.

Aldus Rd4 vruus 't aafval vas inne kóntaeners. Daodoor kónne ze neet tegooj waere laeggemaak. Ouch besteit e risico det de kóntaeners kepót gaon tiejes 't laegkloppen innen drekwage.

Resaafval wuuertj waal opgehaoldj, mer hieveur wuuertj waal 'n extra inspanning gevraog ane luuj. "Ómdet ouch resaafval kan vasvreren is 't raodzaam te kónterleren of 't aafval loszitj inne kóntaener en eventueel 't aafval mit 'n sjöp los te staeke", zoea luuetj 'ne waordveurder weite.

De GFT-kóntaeners waere neet opgehaoldj in Broensem, Eisjde-Mergraote, Gulpe-Wittem, Haerle, Kirkraoj, Landjgraaf, Nut, Óngerbenk, Sumpelveldj, Vaols en Voelender.

Wen de temperatuur euveren daag trögk baoven 't vreerpuntj oetkump, geit Rd4 wiejer ane ingaring van 't GFT-aafval.