Veertieën jaor petoet veur caravanmaord
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 16 julie 2020 - Patrick de B., d'n aad-milletaer dae terechstóng veure maord op Ramon Linders, is door 't gerich veroeardeildj toet veertieën jaor cel. De maord steit bekandj es de caravanmaord, ómdet Linders in jannewarie 2019 in ziene staoncaravan in Mieëldere doeadgewurg is wore. Aldusse richter kan dao gèn spraok zeen van noeadverwaer. De straof kump euverèns mitte eisj van 't Aopenbaar Ministerie.
De twieë men kóste zich dore vriendin van Patrick. Linders veel die lestig mit berichskes. Hiedoor góng Patrick 'm opzeuke. Nao de maord haet t'r nag de caravan inne brandj gestaoke. De richter mèntj det de maord neet bewós gebeurdje, meh det Patrick waal 't bezej mós höbbe gadj waat de gevolge van 't wurge wore, wodoor spraok is van veurwaerdeliken opzat.
Patrick de B. haet nag verzóch 't veurval te doon lieken op zelfmaord door 'n aafsjiedsberich nao dem zien ex te make. Dit is 'n verzwaorendje ómstenjigheid. Wiejer haet Patrick nao de maord gèn ieërbeed getuindj ane naobestäöndje door te zwiegen euvere maord en nag waal op Linders zien begraefenis prezent te zeen gewaes.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.