Verdachte opgepak veur maord op Pruse politicus
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
De Pruse pelissie haet 'ne verdachte opgepak veur de maord op de CDU-politicus Walter Lübcke.
Volges pelissiebrónne is 't 'ne jóngere man, dae inne perseunlike krink van Lübcke verkierde. 't Óngerzeuksteam geit t'rvan oet det de sjöldige is opgepak gewaore, sjrief de Frankfurter Allgemeine (zuuch daoveur ónger 't köpke "brónne").
De pelissie zouw de manskael op 't sjpaor zien gekómme door e groetsjalig óngerzeuk nao de privégegaeves van Lübcke. Ónger mier zienen hendie is grondig óngerzoch gewaore.
De regionaal besjtuurder woort zóndig doed inne gaard van zien hoes gevónde. De aafgeloupe daag woort dudelik det de sjöldige meugelik emes is oet de direkte ómgaeving van 't sjlachoffer.
Ouch e politiek motief weurt neet oetgesjlote. Lübcke woort in 2015 doelwit van 'n lastercampagne van extreemrechs, naodet hae in 'n discussie euver de kóms van 'n vlöchtelingenopvankscentrum ruzie had gekrege mit aanhangers van Pegida. "Wae ós waerdes neet óndersjrief, sjteit 't vrie óm Pruses te verlaote", zag hae taege taegesjtanders vannen opvank.
Nao de maord versjene in extremistische Facebookgróppe en op internetfora teentalle berichte, waorin Lübcke zienen doed woort toegejuuch. "Eige sjöld, ich höb gein mitlieje. Zoe zal 't Merkel en de andere ouch vergaon", waor ein van de tekste.
Brónne bewirk
- Festnahme im Fall Lübcke. Katharina Iskandar - Frankfurter Allgemeine, 8 juni 2019
- Verdachte opgepakt voor moord op Duitse politicus. NOS, 8 juni 2019
Dit artikel besleit aad nuujs en maak deil oet van oos arsjief van nuujsberichte.