Verke neergestaoke bie greuncentrum Vloearep
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 27 julie 2020 - Kort nao 20:00 oere kwaam zónjigtenaovendj 'n meljing bieje pliesse binne det e bieës neer waas gestaoke door drie luuj. 't Veurval speeldje zich aaf bie 't greuncentrum Schmitz in Vloearep; wie de pliesse dao aankome bleek det 't zich hanjeldje óm e verke. De bieësterkrankewage woort opgerope veur 't zwaor-blojendj bieës te verplege.
De däöjers vlöchdjen eweg in 'n gries Opel-Vivarobösken richting Remunj. 't Is aevel neet de ieëste kieër det de bieëster van 't greuncentrum aangevalle zeen. Veur e deil waeke trögk haw me dao al 'n geit en 'n hin gestaole. Ouch toe laag blood inne ren.
Door 't flot hanjele vanne vieëars zal 't hangboekverkske dinkelik waal weer baeter waere. 't Waas drek gehech wore wodoor 't nimmieë bloodj. Zolang de wónj nimmieër aop geit, is nieks ane handj. 't Verksken is ei vanne twieë die dao róndjloupe veure sier. De bieëster zeen hieël taam en renne neet eweg wen einen aankump.
De bewakingscamera's van 't greuncentrum höbbe nieks kónne vasligke; die wore namelik neet gerich op 't bieëster verblief. 't Centrum haet aevel aangegaeve waal camera's daobie te plaatse, die dao waal op gerich zeen. De däöjers hawwen ouch de aafrastering kepotgemaak, waat noe herstaldj wuuert. Wiejer wuuert nag veurzeen van 'n alarm.
Brónne
bewirk- Dieren tuincentrum Vlodrop al eerder belaagd. Arthur Hubers - 1limburg, 27 julie 2020
- Varken neergestoken bij tuincentrum Vlodrop. Kevin Lux - 1limburg, 26 julie 2020
Dit artikel besleit aad nuujs en maak deil oet van oos arsjief van nuujsberichte.