Verkezigingsposters euverplek en bekalk
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 7 mieërt 2021 - Dore ganse pervinsje haer höbbe vandalen en plakaatplekker kampanjeposters van Martijn van Helvert (CDA) en Mark Rutte (VVD) vandaliseerd. Det höbbe zie gedaon door slaagzinne dao-euverhaer te krieten en ouch door plakate van Thierry Baudet (FvD) euver die anger plakaten haer te plekke. Bie 'ne poster van Mark Rutte zeen nag waal haokekruutser geteikendj.
De fraksjeveurzitterse van FVD Limbörg, Simone Kerseboom, haet laote wete det zie dit neet goodkinne. De instruksjes waat häör vriewilligers kriegen ómvatten 'nen oetligk dit neet te doon. Wiejer haop zie det anger politische pertiejen det ouch doon bie die häör luuj.
Bie 't CDA kan me verkezigingsposters opvraoge, meh dan mót me waal daobie zitte waem de bestèller is en wo me wóntj, det 'n euverzich is waem wo kampanje veurt. Bie FvD is det anges. De posters kan me dao sumpeleweg bestèllen oppe internetpagina. Det zów zeen veure privacywètgaeving, mer haet waal es gevolg det me neet wètj waem wo 'nt plekken is.
Op 17 mieërt zeen de Twieëdje-Kamerverkezigingen en dan zal ouch blieken of 't bekrieten en euverplekke van angermans plakaten effek gadj haet. 't CDA in Kirkraoj maak dudelik det 't fetsoen bie e deil pertie wied te zeuken is. Ouch op anger plaatsen in Nederlandj zeen verkezigingsposters euverplek mit plakate van Thierry Baudet. Dao woorten aevel ouch anger plakate bewirk; zoea zeen in Hengelo plakate vanne SP slachoffer wore.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.