Verkiersóngelökke in Foggia en Bologna, Ittaalje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
7 augustus 2018 - Bie e verkiersóngelök in de Itteljaense provins Foggia, bie Lesina, zeen 12 luuj óm 't laeve gekómme. Volges de pelissie geit 't huidzakelik of oetsjloetend óm arbeidsmigrante oet Afrika die wèrkde in de landjboew. Ze hadde zjus tomate geplök en wore óngerwaeges trögk op heim aan, wie hun böske op 'ne vrachwage bótsjde. d'n Aafgeloupe zaoterdig waas in dezelfde regio ouch al 'n óngelök mit Afrikaanse arbeidsmigrante, wobie veer doeje vele.
Vandaag gebäörde ouch nog 'n anger zwaor verkiersóngelök in Ittaalje. Op 'ne viaduk van de sjnelwaeg bie Bologna reej 'nen tenkwage vol brenbaar sjtóffe in op 'ne vrachwage dae in de fiel sjtóng. 't Gevolg waas 'ne rits heftige explosies, mit 'ne vuurbal dae teentalle maeters de lóch in reikde. Volges de pelissie zeen zeker twie doeje en zoeget 70 gewónje gevalle. 't Viaduk is ingesjtort. Twie auto's die in 'ne showroom sjtónge zeen ouch mit óntplóf.
Brónne
bewirk- Twaalf landarbeiders komen om bij verkeersongeval in Italië. nu.nl, 6 augustus 2018
- Zware explosies op snelweg bij Bologna: 2 doden en 60 tot 70 gewonden. NOS Nieuws, 6 augustus 2018
- Twaalf doden door aanrijding met vrachtwagen in Foggia. Transport Online, 6 augustus 2018
Dit artikel besleit aad nuujs en maak deil oet van oos arsjief van nuujsberichte.