Viëtnamese kinjer verdwenen oet woongruup
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 mieërt 2018 - Versjillige Viëtnamese kinjer die woorten opgevangen in extra besjurmdje woongruup in Zuud-Limbörg zint inne aafgeloupe jaore spaorloeas verdwene.
Gans biejein geit 't euver zeve minderjäörige mit ciefers opgevraog bie 't Centraal Orgaan opvang Asielzeukers (COA).
De Viëtnameze kome terech innen extra besjurmdjen opvank van Xonar. Dao waere minderjäörige vlöchtelinge geplaats wovan wuuertj gedach det zie slechoffer zint van beveurbeildj miensjehanjel, oetbuting of gedwóngen troew. Xonar haet bie 't COA enne pliesse meljing gemaak vanne verdwieninge. In 2016 vóng de zörginstèlling gans biejein 29 kinjer op.
Oet óngerzeuk vanne pliesse mót blieken of de verdwene kinjer slechoffer zint wore van miensjehanjel. Aldus 'ne waordveurder vertróchte de minderjäörige zónger persuuenlike bezittinge, meh wies tegliekertied nieks op 'n "ónvriewillige vermissing".
Aldus Frank Noteboum, sjef van 't Centrum taenge Kinjerhanjel en Miensjehanjel, is de sjans groeat det de Viëtnameze zint doorgereis. "In Nederlandj verdwientj bao eder Viëtnamees kindj nao e paar waeken oete besjurmdjen opvank. Hieël wersjienlik vertrèkke ze nao Ingelandj veur dao te wirken inne kempteeltj of in nagelselóngs."
't COA is neet van plan veuren opvank aan te sjerpe, ómdet dae nao eige zègke volduit ane kriteria vanne inspeksjes van Jeugzörg en Veiligheid en Zjustiesje.
Dit artikel besleit aad nuujs en maak deil oet van oos arsjief van nuujsberichte.