Vinjer bringk kriegsbóm nao pliessebero mit scooter
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 14 mei 2020 - Sgoonsdis vónj emen 'nen explosief inne bós bie Sjènne worop t'r dem mitte scooter nao 't pliessebero in Haerle brach. Mitte aafgaaf vanne bóm woort drek e deil van 't pliessebero in 't centrum óntruump en nag waal e deil vanne Staasjesstraot aafgezatj. Dees óntruming doerdje toet middernach wie de ExplosievenOprumingsdeens te plaats koom veure bóm mit te numme.
De vinjer waas daen daag mit 'ne vrundj ane gang mit 'ne metaaldetector in daen bós. Dao vónj d'r anen inj vannen daag get ónverhöds wobie d'r ieës mèndje det 't zich hanjeldje euver 'n aandriefraad van 'ne wage, meh wie d'r heim koom zaag t'r det 't get anges waas.
Daorop drejdje de manskaerel de bóm in 'nen handjddook waat t'r in 'n plestiekke toet dieëj en spróng d'r oppe scooter veur 'm aaf te gaeven op 't pliessebero. De pliesse wóste te verkómme det t'r de bóm nao binne brach.
De pliesse vertalle de vinjer det 't 'n Amerikaanse antitenkmien waas, meh wiejer lete die neet väöl dao-euver los. Waal mós t'r 'nen ivventuele volgendje kieër bellen en neet zelf ane haol gaon mit explosieve.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.