Visietkaertje van Limbörgs wildj aafgesjaote

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

---

MOFERT - 24 jannewarie 2018 - Pascale Plusquin, Limbörgs parlementslid vanne Partie veure Bieëster, neump 't "versjrikkelik det 't visietkaertje van 't Limbörgs wildj wuuertj aafgesjaote". 't Reageertj daomit oppe aksjes van 't watersjap taenge baevers die veur euverlas zörge.

Aldus zelfgezègke haet ze gestreje veur te verkómme det de knagers zówwe waeren aafgesjaote, meh det is neet gelök.

Plusquin haet neet allein meudje mit 't feit det 't passeertj, mer ouch mitte aopheid van 't watersjap. "'t Is jaomer det zoea geheimzinnig wuuertj gedaon euver wo in Limbörg de baevers waeren aafgesjaote."

't Waas al ieëre aangekunjig det de baevers zówwe waeren aafgesjaote. Ze zörge veur 'n groeate sjaajpos van inkel tun veure pervinsje en 't watersjap. Ouch bringe de zoeageheite perbleembaevers de (hoeagwater)veiligheid op inkel plaatsen inne pervinsje in gevaor doordet ze buim ómknagen en waeg óngergrave.

Doordet de baevers börchte boewen inne baekkantje, verdwientj eder jaor oppernuuj e stök landjboewgróndj. 't Watersjap mót de sjaaj veure boere kómpenzere. "'t Is dus puur 'n geldjkwestje", zaet 't parlementslid. "Ieëre noom de pervinsje die köste nag veur zien raekening, meh noe is det euvergedrage gewaoren aan 't watersjap."

Waal is nag e leechpuntje veure anger baeverfemieljes. De pervinsje haet nag netuurdoelen oppe stapel ligke. 't Plan is veur mieë netuur te realiseren in Limbörg. Aldus Plusquin kan det waere gerealiseerdj veur landjboewgróndj rónjelómme baeken op te koupe. Op dees meneer kan de baever denouch ziene gank gaon.