Vleegtuug sjtort denaer in oceaan van Micronesië

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel sjteit gesjreve in 't AGL

28 augustus 2018 - Vriedigmörge is 'n passenzjeersvlöch van Air Niugini, 'ne Boeing 737-800, kortbiej de internasjenaal lóchhave op Weno, van de sjtaot Chuuk van de Fidderaal Sjtaote van Micronesië, in de zie gesjtort wie de piloot de lanjingsbaan misde. Alle 47 luuj aan baord, aafhankelik van 't versjlaag 36 passenzjeers en èlf personeel, of 35 passenzjeers en twelf personeel, höbbe 't óngeval euverlaef.

't Versjlaag van de internasjenaal veiligheidsorganisatie van de commercieel lóchvaart, Jet Airliner Crash Data Evaluation Centre, goof aan det 't óngeval sameveel mit 'n plötselige verergering van de waersómsjtendigheje. Gegaeves van CustomWeather vermelde raengebuie óm 9:40 oer, volgend op bewoukde ómsjtendigheje óm 8:50.

't Vleegtuug lanjde volges de berichte róndj 9:30 lokalen tied, mit e tekort van zoeget 160 tot 200 m op de lanjingsbaan. Inheimse luuj begóste drek mit 't redde van de passenzjeers en 't personeel, mit behölp van vèsjersbeut. Amteniere kome nao zoeget teen minuut aan op de lokasie.

In 'n interview zag 'ne passenzjeer det 't personeel in paniek raakde en begós te sjreve. Neuge luuj zeen nao 't krankehoes gebrach gewaore. Veer daovan blieve dao, woerónger eine dae zwaorgewóndj is.

Vlöch 73 kwaam vanoet Pohnpei, in de Fidderaal Sjtaote van Micronesië. De ènjbesjtömming waas Port Moresby in Papoea-Nuuj-Guinea, mit 'nen tösjesjtop in de sjtaot Chuuk.

Brónne

Dit artikel besleit aad nuujs en maak deil oet van oos arsjief van nuujsberichte.