Voegels liere èster te boewe/Veldeke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
dinsdig, september 27, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
Volges 'n recentie studie lieëre veugel de vaerdigheid óm èster te boewe tiedes häör laeve, in taengestèlling toet 't instinctief al weite wie des ze die mótte boewe. De bevinjinge wore ópgemaak door óngerzeukers aan versjèllendje universiteite in Sjotlandj — Edinburgh, St.-Andrews en Glasgow.
De óngerzeukers bekeke filmbeildje vanne maskerweiver (Ingels: Southern Masked Weaver) die waren ópgenaome door weitesjappers in Botswana, Afrika. De saort woor oetgekaoze ómdet ze d'róm bekindj staon óm mieëdere graasèster te boewe tiedes 't bruisezoen.
Inne doer vanne studie, die gèldj van 't Leverhume-Trustfonds kreeg, koom 't nao veur det edere vogel zelf de nieging had óm 'n anger techniek te gebroeke bie 't boewe van 't ès en det sommige veugel links begóste en ager juus rèchs. De óngerzeukers óntdekdje ouch det wen veugel mieë ervaring hadde, ze minder graassprete lete valle. Dit beteikentj det veugel dore tied haer lieëre wie det ze èster mótte boewe, det in taengestèlling toete theorie det ze drek in 't verstandj höbbe wie det ze dees taak mótten oetveure.
Dr. Patrick Walsh vanne Universiteit van Edinburgh haet oetgelag: "Es veugel häör èster zówwe boewe vanoet genetisch materiaal, den zóds se verwachte det ze allemaol häör èster óppe zelvendje meneer zówwe boewe. Mer, det is neet 't geval. De maskerweivers lete groeate variatie in häör plan van aanpak zeen en det ónthöltj 'n wichtige rol veur ervaring. Zelfs veur veugel gèldj: euvening maak kóns."
De studie wooty oetgebrach in 't weitesjappelik journaal Behavioural Processes.
Brónne
bewirk- "Birds 'hone nest building skills'" — Press Association, September 26, 2011
- "New study says birds learn how to build nests" — BBC News Online, September 25, 2011