Volstenjigen toesmeet in Nederlandj: ónnoeadzakelike gesjefter toe
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 dieëtsember 2020 - In edere val zal toet en mit 19 jannewarie väöl in Nederlandj toegesmete waeren ónger waat minister-prizzendent Mark Rutte maondigtenaovendj 'nen helle lockdown geneump haet. Hie-ónger valle gesjefter, alle sjoealen en instèllinge, wie theaters en museë. Deze maotregel van vief waeken is veure fórse toenaam van 't aantal besmèttinge mit corona trögk te drejje.
De sjoeale zóllen euvergaon op digitaal óngerrich, allein praktisch óngerrich en injegkzames gaon door. Wiejer sloeten alle gesjefter, boete die waat es noeadzakelik gezeen waere, wie supermerte, gesjefter veur laevesmiddele, dreugisterieje, appetieëken en banke. Kleiergesjefter, tuincentrums, muibel- en lektriszaken en waarhoezer gaon toe. Bie boewmerte kan m'n allein nag matterjaal aafhaole.
Ouch kóntakwerk wie haorsniejers, sjoeanheidszake, hore, massuuers en tatozake mótte toe. Medisch kóntakwerk wie d'n tandjdokter enne fiezzetirrepuit blieve waal aop. Ouch doorstruimplaatse wie museë, bieësterhäöf, theaters, speelparke, sportsjoeale, zwumbajer en sauna's gaon toe. Hotels mogen aopblieve sónger horeca. Sporten in groepsverbandj sjèdj ouch tiejelik oet.
Hoesbezeuk wuuert begrens toet heugsten twieë man baove de dertieën es gas. Mitte kersdaag moge waal nag drie man op bezeuk kómme, meh neet op aad-op-nuuj. 't Aantal van twieë geldj ouch oppe straot; samenhajing op óngerhalve maeter maag dan, meh neet veur luuj oet versjeie hoeshajes. Wiejer mót me zoväöl meugelik heimwirken en is de raod neet ónnuuedig te reize. 't Boke van fekansjereize wuuert aafgeraoje toet zeker half mieërt.
Op 12 jannewarie kump 'n nuuj perskónferensje worin bespraoke wuuert waat 't verloup nao 19 jannewarie wuuert.
Brónne bewirk
Dit artikel besleit aad nuujs en maak deil oet van oos arsjief van nuujsberichte.