Voorbós mót mèlkvieë vervangen in Baoksem
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 fibberwarie 2020 - Mark Venner, 'nen drieëntwintjigjäörige boerezoon oet Baoksem, wiltj neet 't mèlkvieëbedrief van zie pap euvernumme, meh dao 'ne voorbós van make, mit vröchte, neut en greunvoor. De ieëste jaor zal det neet rendabel zeen, meh wen 't eimel op gang is gekómme, wuuert t'r det waal.
Wo de bós geit kómme ligk noe nag weilandj mit goodgetèldj eine boum. 't Gebied ane Leukerwaeg is al hieël lang in henj vanne femielje, zoealang ligk dao ol weilandj, meh det geit noe verangere. Op 't landj waere de kómmendjen tied zoea twellefdoezjend buim en struuk gepaotj, mer 't geit nag e deil jaor doeren ieër 't 'ne richtige bós is, went buim greuje neet zoea flót. Wen de bós eimel dao is geit 't vröchte, neut, blaadgreunvoor en sjeute levere veure verkoup.
De femielje Venner haet drie zeuns en ein dochter, meh geine vanne veer wiltj 't mèlkvieëbedrief vanne pap doorzètte. Tródsdet zie allemaol waal mit höbbe gewirk oppe bórderie, mer e bedrief mit fieftig kuuj zeen zie gein toekóms in. De zoon Mark studeerdje Bós- en Netuurbehieër, wo d'r inzaag det 't bedrief waal 'n toekóms haet wen 't roer ómgeit, went ouch aan 'ne voorbós kan m'n es boer nag get geldj verdene.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.