Vrachwagen inne brandj bie disterbuusjecenter Jan Linders
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 16 junie 2018 - Bie 't disterbuusjecenter van Jan Linders in Baergen is saoterdigs smörges 'ne vrachwagen inne brandj gevlaoge.
De ieëste meljing vanaaf 't industrieterrein De Flammert in Baerge kwaam róndj 07:30 oere binne. De brandjwaer tróch drek mit mieëder wages oet veur 't vuur te bekempe.
De vlame slogen al snel óm zich haer, mit naam ane veurkantj vanne vrachwage. Aldus 'ne waordveurder vanne brandjwaer is 't vuur óntstangen in 't daak vanne vrachwage.
De wage sting aangekoppeldj aan e laajdok van 't disterbuusjecenter. De brandjwaer kós verkómme det de vlamen 't pandj dieëje bereike. Waal is rouk de loeadsen ingetróch. De ruumdje wuuertj daoveur ventileerdj.
Meugelikerwies kónne de spöller die inne loeads staon, gemèndj veure disterbuusje richting de supermerte, dore rouk nimmieë waere gebroek.
Brón bewirk
Dit artikel besleit aad nuujs en maak deil oet van oos arsjief van nuujsberichte.