Wageriedster rich revaasj aan door in slaop te valle
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 23 fibberwarie 2019 - E vrouwmis det achter 't stuur in slaop vool haet de veurige nach 'n groeate revaasj aangerich in Vaols. Róndj 02:45 oere krege de pliessen 'n meljing euver e verkieërsóngeval ane Mestreechterlaan dao. Oppe plaats waas te zeen det de wageriedster mit zienen auto sjaerendj langs 'ne stilstäöndje wage waas gevaren en daonao frontaal taengen 'nen twieëdje wagen opvoor. Dae twieëdje wage duudje daorop nag 'nen angere wagen hel aan, wodoor ouch dae väöl sjaaj opleep. De wage van 't vrouwmis zelf kós nag oppertied waere taengegehaje door 'nen iezeren hègk, went anges waas zie mit wagen en al 'nen aafgróndj van inkel maeters deep ingevalle.
't Vrouwmis zaat gans allein inne wagen en wós eweg te kómme sónger verwunjinge. Waal höbbe zie vanne krankewage nag efkes naogekeke veure zekerheid. Het haw geinen drank of drugs gebroek, meh waas achter 't stuur in slaop gevalle nao 'nen aovendj oetgaon.
De betróchte wages woorten eweggeslèp enne waeg woort vriegemaak dore pervinsje. De pliesse benaodrökke nans wie gevieërlik 't is mitte wage te vare wen me meug is.
Brónne bewirk
- Automobilist valt in slaap en richt ravage aan: 'Duur dutje'. Job Tiems - 1limburg, 23 fibberwarie 2019
- Politie Heuvelland. Facebook, 23 fibberwarie 2019
Dit artikel besleit aad nuujs en maak deil oet van oos arsjief van nuujsberichte.