Wermste zomer in drie ieëve tied
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 4 september 2018 - De zomer van 2018 waas de wermste zomer in ruum drie ieëve tied. De gemiddeldje temperatuur was 18,9°C taenge 17,0°C normalerwies. De veurige wermste zomers woren in 2003 mit 'n gemiddeldje temperatuur van 18,6°C en 1826 mit 'n gemiddeldje zomertemperatuur van zoeaget 18,7°C.
Alle zomermaondje van 2018 (junie, julie en augustus) woren hieël werm. Twieë kieër waas spraok van 'n lenjelike hitsgolf, van 15 toet en mit 27 julie en van 29 julie toet en mit 7 augustus. Allein op 28 julie waas 't in De Bilt óngere 25°C. In 't zujen en 't zuudoeaste van 't landj waas 't zelfs ein aansloetendj lang, regionaal hitsgolf van 12 julie toet 8 augustus. Doordet de windj euverwaegendj naordelik waas en vanne rilletief keul Naordzieë kwaam waas 't ane kus minder werm es in 't zuje.
Op 26 julie woort de hoogste temperatuur van deze zomer gemaete, 38,2°C in Arse. Dit waas meh 0,4°C óngere hoogste-gemaete temperatuur allertiejen in Nederlandj. Ouch de nachte woren oetzunjerlik werm dezer daag, wobie de minimaaltemperaturen op 27 julie in 't grótste deil van 't landj baove de 20°C oetkomen en in Deelen zelfs neet leger woort es 24,4°C.
Op 25 augustus woort 't nörges wermer es 20°C. Daomit kwaam 'n ènj aan 'n ónóngerbraoke rits van 60 werm daag. Gans biejein woorten in De Bilt 76 werm daag, 37 zomerse daag en 8 troeapische daaag gemaete, taenge normalerwies 60, 21 en 2.
De zomer waas hieël zónnig mit gemiddeldj euver 't landj ruum 765 zónoer taenge 608 oer normalerwies. De zomer kump daomit innen toep-5 van zónnigste zomere saer 1901. 't Zónnigste waas 't in 't zuudwèste mit in Vlusjinge zoeaget 800 oer aan zón. Ane naordkus waas 't juus 't minste-zónnig mit in Lauwersoug 720 oer aan zón.
De zomer waas eine vanne druuegste zomere saer 1906. Gemiddeldj veel euver 't landj 105 mm aan raenge, taenge normalerwies 225 mm. 't Naerslaagtekort leep ane begin van augustus op toet mieër es 300 mm. In 't naordwèste naam 't naerslaagtekort in augustus flink aaf.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.