Wieërt filtjertj fienstof oet parkingsgraazje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 augustus 2018 - Wieërt geit de fienstof inne gemèndje aanpakke. In al de gemèndjelike parkingsgraazje zeen fienstoffiltjers geplaats gewaore. Wieërt is de ieëste gemèndje in Limbörg die deze maotregel haet toegepas.
De pervinsje betaaltj mit ane köste van ruum 300.000 euro veur twellef filtjerinstallaasjes.
Aldusse wèthajerin Wendy van Eijk höbbe de filtjers 'n hieël gónstig effèk. Die filtjere ruum veure hèlf aan fienstof oete graazje zelf en zörgen ouch inne ómgaeving vanne graazje veur 'n aafnaam aan fienstof, toet waal 40 percent.
Daoveur wirk deze maotregel aldusse wèthajerin e stök effèktiever es maotregele veur fienstof te verkómme. Ummertoe mieë gemèndje dinke nao euver 't verkieërsroewig make van 't centrum of de inveuring van extra belasting of e verbód op autowages die väöl oetstoeat veroearzake. "Oet maetingen in anger gemèndje bliek det me daomit 'n reduksje van 2 toet 3 percent bereik. Det is towwel get anges es de 40 toet 50 percent woreuver veer 't hie höbbe", zag van Eijk.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.