Wiejer sjtabilisering krankehoesopnames: drie nuuj patiënte in Limburg

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL.

Drie Limburgers móste de aafgeloupe 24 oer veure coronabesjmetting weure opgenómme in 't krankehoes. Neet ierder waor de toesjtruim van nuuj patiënte zoe lieg wie noe. 't Aantal gehiemelde dat aan RIVM woort gemeld, sjteeg in ós pervincie mèt nege.

In totaal kump 't aantal krankehoesopnames in ós pervincie, saer 't begin vanne coronacrisis, op 1369. De aafname vanne krankehoesopnames is al dagelank te zeen. De drie patiënte kómme oet Maasgoew (twie) en Haelder. De meiste luuj die veure besjmetting nao 't krankehoes móste, kómme oet Mesjtreech (149) en Piel en Maas (139). De Noord-Limburgse gemeintes Baerge én Mook en Middelaar telle eder zès patiënte en höbbe daomèt de minste luuj die móste weure opgenómme.

In Limburg zien volges RIVM-ciefers noe 521 luuj gehiemeld van waem is vasgesjteld det ze 'n coronabesjmetting hadde. Van häör kómme 270 oet Zuud-Limburg en 251 oet Noord-Limburg en Midde-Limburg. Absoluut gezeen haet Mesjtreech mèt 63 (det is 'n toenaam van drie saer aafgeloupe zóndig) de meiste sjtörfgevalle. Aafgezat taege 't aantal inwoeners is Piel en Maas (56 gehiemelde) 't hels getroffe. De anger nuuj sjtörfgevalle die maondig woorte gemeld aan 't RIVM kómme oet Haors ane Maas (twie), Eisde-Mergraote, Meersje, Nederwiert en Venlo (allemaol eine gehiemelde).

De twie GGD's in ós pervincie melde euveriges sjtörfdeciefers die aafwieke vanne RIVM-gegaeves. De GGD Zuud-Limburg meldt maondig det in totaal 264 luuj zien gehiemeld es gevolg van 'n coronabesjmetting, 'n toenaam van drie ten opzichte van zóndig. De GGD Limburg Noord, die de regio Noord- en Midde-Limburg besjleit, meldt noe in totaal 248 gehiemelde, 'n toenaam van veer saer zóndig.

De ciefers vanne GGD's en 't RIVM wieke al saer 't begin van de coronacrisis vanein aaf; det kump ónger mier door versjèllende momente van registratie.


Brónne bewirk



Dit artikel besleit aad nuujs en maak deil oet van oos arsjief van nuujsberichte.