Wikinuujs:Opmaak

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De teks opmake wuuert gedaon door in 't bewirkingsvinster versjillende - relatief sumpel - codes aan te wenje. Aanvenkelik liek dit hieël ingewikkeld, mer in alle feitelikheid viltj 't bès mit. Doe kins nag altied dees pagina raodplieëge wens se mit de codes vaslöps. Geheit zals se zeen det wie dökker se mit de code bös ómgesprónge, wie einveljiger 't is. Doe zals nao verloup van tied ummer gemekkeliker oet de veut d'rmit kómme en 't bewirke zal daomit väöl sneller gaon.

In 't bewirkingsvinster vinjs se twieë saorte teks:

  1. normale laesteks, wie: Op 4 jannewarie is 'ne fietser aangeri-jje in Lieërop. en
  2. wikiteks (ouch waal opmaakteks of bróncode geneump): Det zeen codes die door de browser op diene computer of tillefoon waere ómgezatj nao opmaak en anger saorte functies. E veurbeeld: in de brónteks steit Klik [[Wikinuujs:Hölp|hie]] veur mieër informatie., den wuuert 't resultaot: "Klik hie veur mieër informatie." mit "hie" es 'ne blawwe link nao de hölppagina (oetlègk euver wie dit próntj wirk, zuus se dalik hie-ónger staon).

Die ieëste codes die hie-ónger staon gelje euveral: zowaal veuraan, in de midde of achteraan 'ne (brónteks)regel. De wichtigste die se geregeld zals taegekómme en ouch väöl geis gebroeke zeen:

Saort Brónteks Rizzelterendje teks
Diek-gedrök '''diek''' diek
Sjuuns ''sjuuns'' sjuuns
Zwartsjeif '''''zwartsjeif''''' zwartsjeif
Interne link (sumpel) [[Help:Contents]] Help:Contents
Interne link mit angere teks [[Help:Contents|hölp]] hölp
Externe link (zónger teks) [http://www.limburg.nl/] [1]
Externe link mit angere teks [http://www.limburg.nl/ Limbörg] Limbörg
Externe link (sumpel) http://www.limburg.nl/ http://www.limburg.nl/

Lit op: 'ne link nao 'n intern pagina wuuert allein blaw es die pagina besteit. Es die (nag) neet besteit, is de link roead. Bie extern linke is d'r altied blaw; ouch es de website neet (mieë) besteit.