Wikinuujs:Waat is rillevantj veur Wikinuujs?

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dees vraog kin kórt gezag beantjwaordj waere mit nuujsartikele die me-n ouch inne gezèt te laeze kump. Wiejer acceptere weer in bepèrkdje maote ouch meiningstökker.

Waatfer dinger kómme waal 'ns in 't nuujs? Netuurlik groeate gebäörtenisse óppe welt, mer ouch e berichske euvere lekaole sjötterie is hie wèlkóm.

Lokaal evenemente mit e winsougmerk acceptere veer hie neet. Lokaal berichte mótte algemein wichtigheid bevatte. Dink aan óngelökke, oetslaeg van kultureel wèdstrieje of sportaangelaegenheje, politieke besloetvörming, vastelaovendj en euverige voukskultuur.

Waat höbbe weer lever neet? Dinger diet g'r zódj kinne plaatse óp anger wiki's, wie encyclopedische artikele (Wikipedia), cetaote (Wikiquote), plaetjes (Commons), diffenities (WikiWaorsbook) en aaj dokkemèntje (Wikibrónne). Anger dinger diet weer lever neet höbbe zeen roewadvertensjes en gebaordjekaertjes. Ouch jubelea zeen neet wichtig genóg (mit oetzönjeringe daogelaote).