Zónnige, werme naozómmer/Veldeke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
vriedig, september 30, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
't Is good te mèrke det de zómmer zich dit jaor richting de hèrves begaeve haet. Taengen óktoeaber ligk 't óppe termomaeter bie de 30 graoje ane moer en 24 graoje inne sjieëm. In gans Limburg profitere luuj hievan door nag efkes óp 't graas te gaon ligke, 'n treske te pikken of 'n wiej rönj te gaon fietsje. Wie gewuuenlik is 't in Limburg e paar gräöj wermer is ane kus in Hóllandj.
Of dit e gevolg te neumen is van klimaatverangering is nag lestig te zègke, meh de lèste jaore liek 't d'r stieëds mieër óp det de zómmers kaad en naat waere, wiele de hèrveste wermer en druueger waere. De wintjer wuuertj den wersjienlik juus aanvenkelik weer ieskaad en later springk in eine kieër de lènt t'rópin. 't Vèltj in eder geval neet te betwiste det dit eine vanne wermste naozómmers de lèste jaoren is gewaes.
Inne zón zitte kin mit zoea waer al rap leie toet lillike brandjwönj, dus insmeiren is zeker verstenjig mit zoea hits. Ómdet de zón redelik lieëg steit is det mit autorieje ouch lestig, e zónneklepke of 'ne zónnebril zeen den gooj óplossingen óm te veurkómme det se verblindj wuuers.
Mer boete dees klein naodeilkes - die ónnans mekkelik taenge te gaon zeen mit get veurdinke - is 't veur de meiste luuj veurnamelik genete. Zoea zit 't tras vannen iesselón in Mofert daacheliks stampesvól en doon ouch lokaal kaffees en resteraties in gans Limburg gooj zakes. Kórtóm, weer hoven ós neet te beklage.