Zate miens bao verdrónken in Wieërt
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 9 oktoeaber 2021 - Inne nach van vriedig op zaoterdig haet m'n 'ne zate manskaerel in Wieërt óngere Zuud-Wullemsvaart geredj. Dae miens waas ram óngerkeuldj naodet t'r zich 'nen tiedlank baove water wós vas te hajen ane moer vanne waterkantj. Wie d'r eimaol oet 't water waas vroog t'r of emes 'nen taxi veur 'm kós belle.
Dinkelik waas de manskaerel róndj 3:00 óngerwaeges heives, meh kuikeldje d'r bie de Minderbroederslaan zich 't water in. Veurbiegengers zogen 'm nao 'nen tied in 't water ligken en waardje de hulpdeenste. Óngerwiel heel de zate miens zich in 't kaad water vas ane hoeag moer vanne waterkantj. De veurbiegengers wóste de miens doe mitte opgerope pliessemen 't water oet te haole. Intösse waas ouch de brandjwaer dao gekómme, mit de krankewagen ouch.
De manskaerel heel óngerkeulingsversjienselen euver aan waat t'r mitgemaak haw en woort mitte krankewagen aafgeveurd nao 't krankegestich. 'nen Traumahelikopter daen m'n opgerope haw, kós m'n aafzègke.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.