Zeuktoch Tanja Groen lievert niks op
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Mestreech - 22 jannewarie 2020, de pelitie waor goonsdagmörge bezeg mèt 'n zeukactie op 't kèrkhof aon De Beente in Heugem in 't kader vaan 't oonderzeuk nao de verdwijning vaan de indertied 18-jäörege studente Tanja Groen in 1993. Ze heet "nui en interessante informatie" gekrege, wat de aonleiing waor um 't oonderzeuk obbenuits op te starte.
't Cold case team vaan de pelitie Limbörg kraog in 't naojaor vaan 2019 'nen tip euver de plek wao de studente zouw zien begraove. Dit veurde nao 't kèrkhof in de Mestreechse wiek Heugem. Mètwèrkers vaan de Forensische Opsporing en arsjeologe van 't Nederlands Forensisch Instituut höbbe 't graaf goonsdagmörge ope gegraove.
Volges de pelitie höbbe de gehiemelde maan dee in 't graaf ligk en zien naobestaonde neets mèt de zaak te make.
Oetintelek woort niks gevoonde. 't Oonderzeuk is in de loup vaan d'n aovend aofgeroond gewaore en daonao weurt 't graaf weer herstèld.
Tanja Groen woort op 4 september 1993 door häör awwers es vermis opgegeve. Ze zouw dat jaor aon häör studie in Mestreech beginne en góng op 31 augustus nao 'ne fiesaovend vaan 'n studentevereiniging in de Herbenusstraot. Roond middernach góng ze op de fiets nao häör kamer in Groonsveld. Dao koum ze evels noets aon. Sinsdeen is Tanja Groen noets mie gezeen gewaore.
Oondaanks dat 't oonderzeuk niks heet opgeleverd, weurt de zaak volges de pelitie neet geslote.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.