Zeve nuuj coronadoeje brènge totaal in Belsj-Limburg op 353
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Inne Belsj-Limburgse krankehoezer zien de aafgeloupe 24 oer opnuuj zeve coronapatiënte gehiemeld. Det is 't hoegste sjtörfdeciefer vanne lètste zes daag.
Wiewaal de piek al veurbie is, is de sjtried taege 't coronavirus nog lank neet gesjtreje. 't Virus haet de aafgeloupe 24 oer opnuuj väöl laeves geëis in Belsj-Limburg, mèt minstes zeve doeje inne krankehoezer. Allein op 23 april loog 't sjtörfdeciefer nog zoe hoeg. 't AZ Vesalius in Tóngere, 't Sint-Franciscus Krankehoes in Heusde-Zolder en 't Sint-Trudo Krankehoes in Sintruin móste eder twie gehiemelde betreure. In 't Krankehoes Maas en Kempe goof 't eine sjtörfgeval oppe Covid-19-aafdeiling. In 't Jessa Krankehoes en 't ZOL goof 't gein gehiemelde en van 't Maaskrankehoes in Pelt gief 't nog gein ciefers. Saer de oetbraak van 't virus zien al minstes 353 coronapatiënte inne Belsj-Limburgse krankehoezer gehiemeld.
E houpvol teike is det huuj opnuuj 35 genaeze patiënte weer heives kóste gaon. Gister goof 't nog maar derteen genaeze patiënte die dat kóste. D'n drök op krankehoezer nump geleidelik aaf in Belsj-Limburg van 287 nao 267 bèdde. Daovan ligke nog 65 luuj oppe aafdeiling veur intensief zörg, 11 minder es begin dees week nog 't geval waor.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.