Zier good bewaarde lichame gevónje van gehiemelde inwoeners Pompeï
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel is gesjreve in 't AGL.
Arsjeologe höbbe in Pompeï oetzunjerlik good bewaarde euverbliefsele van 'ne rieke man en 'ne dinkelike sjlaaf van 'm bloetgelag. De óntdèkking woort gedaon bieje opgraving van 'n groete villa in Civita Giuliana ane randj van Pompeï, neet wied vanne Itteljaanse sjtad Napels.
De rieke man mit dinkelik 'nen hoege sjtatus waor tösse de dartig en de veertig jaor awd. Róndj ziene nak woorte sjpäör van 'ne wölle mantjel gevónje.
D'n angeren manskaerel waor tösse de 18 en 23 jaor awd. Zien gekneusde röbbe wieze d'rop det hae 'ne sjlaaf waor dae zjwaor wèrk deeg. Ónger mie häör gebalde voeste tuuene aan det ze sjtórve dore gevolge van 'n völkaanoetbarsting, zag Pompeï-direktäör Massimo Osanna tiedes 'n persconferentie.
Osanna sjrief op zien Instagram-pagina det 't "oetzunjerlik" is óm zoe percies 't moment van euverlieje te kènne vassjtelle. Hae dank 't óngerzeuksteam det de lichame vónj.
Pompeï is 'n Romeinse sjtad die door 'n oetbarsting vanne völkaan Vesuvius bedolve woort ónger völkanische esj en broksjtökker. De rewiens woorte óntdèk inne 16e iew, de ierste opgravinge sjtartde in 1748. Tiedes de oetbarsting woende óngevier 13.000 luuj inne sjtad. De weltbereumde arsjeologische vèndjplaats is vanwaege de coronapandemie momenteel gesjlaote veur toeriste.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.