Zjiraf hingk zichzelf op in boum

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

---

MOFERT - 24 mieërt 2018 - Inne bieësterhaof JajaJaad in Kirkraoj is 'ne zjiraf mitte kop vas kómme te zitten in 'ne boum. 't Vruiwke, geneump Philani, haet det neet euverlaef.

Dinkelik is de zjiraf saoterdigs smörges gestrukeldj en toe mit ziene kop vas kómme te zitte, zaet d'n dirrektuuer Rob Huppertz van 't park. 't Doerdje 'nen tied ieër verzörgers bie 't bieës kóste kómme. Det waas lestig, ómdet nag mieë zjirafs róndjlepe.

"'t Is gei prettig aanzich", zaet Huppertz. 't Deil van 't park rónjelóm 't verblief vanne bieëster is daoveur op slaot. "V'r haope det de anger zjirafs ingaon, zodet de verzörgers in aksje kónne kómme. 't Is te gevieërlik veur häör 't gebied te betraeje, dewiel de bieëster dao nag róndjloupe", zag t'r ieëren óm middig. Róndj 15:00 oere lökdje 't bie 't bieës te kómme.

Op 't memènt is 't hieël drök in 't park. Aan bezeukers wuuertj te plaats oetgelag wiezoea e deil is aafgeslaote wore. "Edereinen is hieël begreepvol", aldus Huppertz. Bezeukers kónnen e gratis kaertje kriege veur 't park op e later memènt nans te bezeuke.